Ekigaaniro ky'okuhimdura omuby'oburuuru...(Photo by Bruno Mugizi)

‘Abarikusingwa akaruuru bashemereire okuheeza obwire batakagarukire omuby’obutegyeki’

N’ebya Bruno Mugizi. 

Bushenyi: 

Abeebembezi omu disiturikiti ya Bushenyi nibashaba gavumenti okutaho ebiragiro by’amaani ahabarikuba betsimbire obutaza omuby’obutegyeki baheeza kusingisibwa emishango y’eby’oburuuru.

Ebi byagambwa eriizooba omu kigaaniro ky’eizooba rimwe ahaby’okuhindura omuby’oburuuru ahabw’abeebembezi ba disiturikiti ya Bushenyi ekitebeekanisiibwe ekigombe ekya Western Ankole Civil Society Forum ahari Western Meridian Hotel omuri Bushenyi.

Ekigaaniro ky'okuhimdura omuby'oburuuru...(Photo by Bruno Mugizi)

Ekigaaniro eki kigyendereire okwongyera ahabanya Uganda kwejumba omuby’ebiragiro, engyendera h’eihanga n’eby’obutegyeki kureetaho empinduka omu democrasiya.

Kurugiirira ahari ba kansara b’omu disiturikiti ya Bushenyi;  Mpeirwe Edwards Mpabwa owa tauni kanso ya Kyamuhunga na Nayijuka Jenipher orikujwekyera abakazi omu Central division, abantu abarikusingwa akaruuru kandi bakasingisiibwe emishango y’oburuuru bashemereirwe okubingwa kumara emyaka 10 batakagarukire kwetsimba.

Ekigaaniro ky'okuhimdura omuby'oburuuru...(Photo by Bruno Mugizi)

Aba nibagira ngu eki nikija kukyendeza ahamishango y’eby’oburuuru omu kooti.

Ekigaaniro ky'okuhimdura omuby'oburuuru...(Photo by Bruno Mugizi)

Daisy Agaba, muhikirwa w’ekigombe ekya Western Ankole Civil Society Forum yaagira ngu okuteera akaruuru k’omugongo kikongyera ahamihondano y’omumaka hamwe n’obwangani omubantu omubyanga.

#WestUpdates