Robert Kyagulanyi, Purezidenti w'ekibiina ekya NUP yashashamaza aba Mbarara...(Photo by Adolf Ayoreka)

Bobi Wine yashashamaza aba Mbarara

N’ebya Adolf Ayoreka

MBARARA:

Eriizooba eby’entambura n’eby’emishuuburo byashanyarara bwanyima y’abahagizi b’ekibiina ekya National Unity Platform (NUP) kwijura omu rurembo rwa Mbarara kwakiira Purezidenti w’ekibiina kyabo Robert Kyagulanyi.
 
Kyagulanyi aka Bobi Wine yaahika omuri Mbarara nk’ahari shaaha 5 z’akasheeshekandi yeiguraho ofiisi z’ekibiina kya NUP omukyanga ekya Ankole ahari Markhansingh street.

Beitu hoona pooriisi n’amahe baaba bari ahanguuto enkuru kubaasa kutatanisa abaaba nibenda kureetaho akajabiriro.

Arikugambaho n’abahagizi be ahakishaayi ky’eishomero erya Global High School, Kyagulanyi yayetomboita ahabw’okwihaho rediyo emwe ei yaaba nagambiraho.

Robert Kyagulanyi , Nup President arikugambaho n'abahagizi be ahakishaayi kya Global High School..(Photo by Adolf Ayoreka) Ayoreka (2)

Kurugirira ahari Kyagulanyi, eki kyakorwa kubaasa kutangira abantu kuhurira amazima , agumize ngu omurimo ogu bariyo nibakora nogwa Ruhunga kuhugura abanya Uganda.

 Ahaby’amagara, Kyagulanyi yaagira ngu n’eky’obusaasi kushanga ngu omukazi w’enda naza omu eirwariro ashanga bateine gloves kandi obwo gavumenti erikukozesa esente z’empa mushoro kugura tiya gaasi.

Abany'eishengyero abashendekyereza Robert Kyagulanyi..(Photo by Adolf Ayoreka)

Bobi Wine yaaba ashendekyereziibwe abany’eishengyero nka Shamim Malende, Dr. Abed Bwanika, Hilary Kiyaga, Francis Zaake n’abandi beebembezi.

#WestUpdates