Museveni abugaineho abaserukare ba Bangladesh Orwakashatu ebiro 11.09.2024 aha maka g'obwa Purezidenti, Entebbe.

N’ebya Beth Akatukunda

ENTEBBE

Purezidenti Yoweri Museveni naagira ngu abeebembezi b’eby’obutegyeki bashemeriire kucondooza bakamanyagye ebizibu ebirikuteganisa abantu abu barikwebembera babaase kubitungira omubazi.

Okurugiirira ahari Purezidenti, omwebembezi ni nk’omushaho orikukyebera omurwaire akamanya endwara ei aine akamuheereza omubazi arikwongyeraho ngu endwara egyo yaaba etakyebiirwe gye omurwaire nabaasa kuhendera afiire.

Museveni nabwo ari n’omuduumizi mukuru w’amahe g’eihanga, agambire ebi obu abaire nashomesa abaserukare b’eihanga erya Bangladesh ababaire bari omu mushomo aha maka g’obwa Purezidenti, Entebbe. 

Abaserukare kuruga Bangladesh barikuhurikiriza okwegyesa kwa Purezidenti Museveni ahamaka g'obwa Purezidenti, Entebbe aharwakashatu, ebiro 11.09.2024.

Museveni abugaineho abaserukare ba Bangladesh Orwakashatu ebiro 11.09.2024.

Purezidenti, nabwo, agizire ngu hariho ekyetengo ky’ab’eby’okwerinda kurinda amahanga agatarikwebaasa kureeba ngu tigazamu emihondano.

Purezidenti Museveni arikuteeza ekishushani n'abaserukare b'eihanga erya Bangladesh aha maka g'obwa Purezidenti, Entebbe aharwakashatu ebiro 11.09.2024.

Omu bigambo bye, Lt. Col. Abdul Rahim kuruga omu kitongore ky’amahe g’eihanga erya Bangladesh asiimire Purezidenti Museveni ahabw’okuba omwebembezi oine okworekwa omu kwegyesa kwe kandi agambire n’aha mugasho gwa Uganda kukwatanisa na Bangladesh omu bintu bitari bimwe.

#WestUpdates