Okweteebekanisiza emikoro ya Bushenyi kuhisya emyaka 50. PHOTOS: Bruno Mugizi.

N’ebya Bruno Mugizi

BUSHENYI

Abeebembezi omu disiturikiti ya Bushenyi batongoza omurimo gw’okuyonja etauni zoona omu disiturikiti egi obwo barikwetebekanisiza okujaguza emyaka 50 ei Bushenyi yahisya kuruga etunga disiturikiti. 

Omukoro ogu gwayebemberwa Biishopu w’obureeberezi bwa West Ankole owahumwire, Yonah Mwesigwa Katonene na Pison Mugizi- ceeyamaani w’okuteebekanisa emikoro egi.

Okweteebekanisiza emikoro ya Bushenyi kuhisya emyaka 50, abeebembezi ba Bushenyi beebembiirwe, Biishopu owahumwire Yonah Katonene barikuyonja etauni omuri Rwentuuha.

Ehururu y’okuyonja etauni egi neija kukorerwa omu tuani nka; Rwentuuha, Bushenyi, Ishaka, Kizinda na Butare.

Emikoro y’okujaguza emyaka 50 ei Bushenyi yahisya kuruga etunga disiturikiti neija kubago orwakataano ebiro 05.07.2024 omu kishaayi Bushenyi.

Za disiturikiti 6 ezayetongoire ahari Bushenyi ezirimu; Ntungamo, Rubirizi, Sheema, Mitooma, Buhweju na Rubirizi niziteekateekwa kwetaba omu mikoro egi.

#WestUpdates
#RadioWestAt25