Paapa Francis na Siipika wa Paramenti, Annita Among omuri Rome, Vatican. PHOTOs: Courtesy.

N’ebya Beth Akatukunda

Paapa Francis yaataabarusy Purezidenti Yoweri Kaguta Museveni ahabw’okuhisya emyaka 50 omu bushwere.

Paapa Francis arikuganira na Siipika wa Paramenti ya Uganda, Annita Among aharwakataano.

 “Nimpisya okusiima kwangye ahari Purezidenti Museveni n’omukazi we Janer ahabw’okuhisya emyaka 50 omu bushwere hamwe n’amagyezi agu Purezidenti aine omu kwebemberagye abantu kurabagye omu bwire bugumire obwa COVOD-19 hamwe n’okwikiririza omu bintu by’obuhangwa n’emitwarize,” Paapa Francis arikushoborora omuri Rome aharwakataano.

Paapa Francis arikuganira na Siipika wa Paramenti, Annita Among ou ataayaayise omuri Vatican.

Paapa yahayo obutumwa bwe omu yaaba nabuganaho Siipika wa Paramenti Annita Among ou yaataayaayisa omuri Vatican.

Aharwakana ebiro 24/08/2023, Purezidenti Yoweri Kaguta Museveni n’omukazi we Janet bahikize emyaka 50 omu bushwere kandi bakagaitirwa omu kanisa ya Turnham Green Church, England omu mwaka gwa 1973.

Paapa Francis na Siipika wa Paramenti, Annita Among omuri Rome, Vatican.

Omukoro gwa Purezidenti Museveni agw’okujaguza emyaka 50 omu bushwere nigaija kubaho Orwamukaaga ebiro 26/08/2023 omu disiturikiti eya Ntungamo.

Okushaba kwa Purezidenti okw’okusiima nikwija kuba aha kanisa ya St. Mathew’s Cathederal, Kyamate omu bureeberezi bwa South Ankole.

Museveni n’omukazi we nibaija kutungira kyamushana omu maka gaabo n’abagyenyi abetsirwe omuri Irenga omu disiturikiti eya Ntungamo omu eihangwe. Banywani baabo, abanyabuzaare hamwe n’abagyenyi kuruga omu mahanga g’aheeru nibateekateekwa kuhika aha mukoro ogu.

Omu rukiiro rwe na Siipika Among, Paapa Francis nabwo yasiima Purezidenti Museveni ahabw’okwebembeza emicwe n’emitwarize y’eka nikwo kubashaba kugumizamu omuhanda ogu ahabwa nyensya nungi y’eminyeeto.

#WestUpdates