Abantu 8 bafeera omuri butandu, 20 bahutara aharwa Masaka-Kampala...(Police Photo)

N’ebya Angella Naturinda

Masaka:

Abantu 8 bafeera omuri butandu, 20 bahutara omubutandu eyabaho nibutagurikana akasheeshe aka.

Butandu egi yaaba ahari Kabale-Bugonzi ahanguuto eya Masaka-Kampala ahagati ya baasi ya Jaguar ey’ekiika ekya Isuzu namba UBP 964T hamwe na Isuzu Elfu namba UAV 988N.

Nikigambwa ngu dureeva wa Jaguar owaaba naruga Kampala arikuza Kigali yagyezaho kuraaba ahamtokoka endiijo nikwo kuza orubaju orutari orwe, nikwo kutoomerana buso-bwantama na Isuzu Elfu.

Abantu 8 bafeera omuri butandu, 20 bahutara aharwa Masaka-Kampala...(Police Photo)

Baasi yayerabamu emirundi mingi, ekyatsiga abashabazi 8 bafiire kandi 20 bakatunga obuhuta.

Omugambirizi wa Pooriisi ey’eby’ahanguuto, SP Kananura Michael yaagira ngu pooriisi yaahika ahamwanya ogu.

Abahutara batwarwa ah’eirwariro erya Masaka Referral kuragurirwa kandi abaafa emibiri yaabo yatwarwa omukabafu kukyeberwa.

Emotoka zombi zatwarwa aha pooriisi ya Lukaya. Okucondooza nikugumizamu.

#WestUpdates