Ebitengure biteire disiturikiti ka Namisindwa, 9 batungire obuhuta...(Photo by Leonard Mukooli)

Abantu 9 bahutaire bwanyima y’ebitengure ebiteire Namisindwa

N’ebya Leonard Mukooli

Abantu 9 nibagambwa kuba abari omumbeera mbi bwanyima y’okutunga obuhuta bwanyima y’ebitengure ebiteire egomborora ya Bungati omu disiturikiti ya Namisindwa aharwakabiri.

Kurugiirira ahabeebembezi omukyanga eki, ebitengure ebi byeizireho bwanyima y’enjura y’amaani egwire esiisire amaju n’emisiri y’abantu.

Steven Wakooli, ow’entebe ya kashatu ahabwa Bungati naagira ngu egomborora yoona eteganisiibwe bwanyima y’ebitengure ebi.

Emiruka ekirizeyo kuteganisibwa harimu Buwambete, Busela, Bukulungi, Bushibuta na Bukhasame.

Abahutaire batwairwe ah’eirwariro erya Bukimanayi HC III omu disiturikiti ya Manafwa kutunga obujanjaabi.

Amaka 80 obwahati tigaine butuuro ninga ebyokurya ahabw’enjura egi esiisire amaju, ebyokurya, emiti n’emisiri y’omwani.

#WestUpdates