Babiri bafeereire omu kikorwa ky’okuteera amasasi ahari Buddo.

N’ebya Omushaki weitu

WAKISO.

Pooriisi ya Nsangi eriyo necondooza ekikorwa ky’okuteera amasasi ekirugiiriremu okufa kwa’abantu babiri ahari Buddo Junction omu kyaro ekya Nakasozi omu tauni kanso ya Kyengera omu disiturikiti eya Wakiso.

Omuhwezi w’omugambirizi wa Pooriisi ahabwa Kampala n’emyanya egiheereire, Luke Owoyesigyire nagamba abagyenzi nka; Evelyne Nalumansi Zaliya Kilonde Katende, 50, omutuura w’omu kyaro kya Mpangala omu tauni kanso ya Kyengera hamwe n’ondaijo muntu otamanyirwe maziina obaire ari omu unifoomu y’amahe ga UPDF.

Ekikorwa eki kibaireho nyomwebazyo ebiro 23.07.2024 shaaha nka 2 z’ekiro, Okurugiirira ahari Owoyesigyire.

Naagira ngu orikuteekateekwaho akwatsirwe ahabw’okugira akakwate n’ekikorwa eki eky’okuteera amasasi.

Owoyesigyire naagira ngu nyakuteekateekwaho ou amaziina ge gatagambirwe obaire ajwire unifoomu y’amahe ahabw’obutenda okucondooza kuteeganisa agambiire Pooriisi ngu omugyenzi obaire ajwire unifoomu y’amahe n’abandi abakibuzire bamukwatsire bamubuzaho obu abaire aine banywani be omuri Buwama.

Omugambirizi wa Pooriisi naagira ngu nyakuteekateekwaho nagambwa kuba yatwirwe omu motoka y’abantu ababaire bamuburizeho ey’ekika kya Toyota Progress ehandiikirwe omu namba ya UAK 375U.

Ku bahikire ahari Buddo, nyakuteekateekwaho naagira ngu obaasize kwanga embundu omwe aha babaire bamuburizeho ekirugiiriremu okuteera amasasi hakafeeramu omwe aha babaire bamuhambire n’ondiijo muntu obaire narabaho (Katende).

Emitumbi y’abagyenzi etwirwe omu kabafu kukyeberwa obwo okucondooza kurikugyenda omu maisho okurugiirira ahari Owoyesigyire.

#WestUpdates
#RadioWestAt25