Bashatu batunga obuhuta bw’amaani omubutandu ya Kyenjojo...(Photo by Daniel Baingana)

N’ebya Daniel Baingana

Kyenjojo:

Haabaho butandu aha nguuto ya Fort Portal-Kampala omuri Kaihura, disiturikiti eya Kyenjojo obu baasi yaatomerana rukurirana eihangwe eri.

Butandu egi yaaba ahagati ya baasi ya kampuni eya Poko Poko namba UAQ 226W na rukurirana namba 7881f19 eyaaba neruga Congo.

Butandu egi yaaba ahagati ya baasi ya Poko Poko na rukurirana..(Photo by Daniel Baingana)

Abantu bashatu batunga obuhuta bw’amaani kandi batwarwa ah’eirwariro erya Buhinga Regional omuri FortPortal kandi 4 abaaba batari kubi munonga bari ah’eirwariro erya Kyenjojo.

Nikigambwa ngu butandu egi yaabaho bwanyima ya baasi egi kwenda kuraaba ahari rukurirana nikwo kwekanga motoka endiijo eyaaba neruga orubaju orwa Kampala erikuza FortPortal. Dureeva kuyagyezaho kugaruka enyuma, nikwo kutomerana na rukurirana.

Okucondooza omubutandu egi kwatandikire.

#WestUpdates
#RadioWestAt25