Abanya Rwanda 10,000 omu Uganda kuteera akaruuru ka Rwanda

N’ebya Simon Peter Tumwine

Abanya Rwanda barikurenga omu 10,000 abarikutuura omu Uganda nibaija kuteerera akaruuru ka Rwanda ahakitebe kikuru kya Rwanda omuri Kampala.

Entumwa ya Rwanda omu Uganda, Joseph Rutabana naagira ngu abanya Rwanda 10,000 nibo behandiikiise kuteera akaruuru ka Rwanda.

Rutabana naagira ngu omuntu kuteera akaruuru aka, ashemereire kuba ari enzaarwa ya Rwanda kandi ahandiikirwe ekitongore ky’eby’oburuuru ekya Rwanda.

N’obu Rwanda erikuza kuteera akaruuru k’eihanga aharwokubanza, 15/7/2024, beitu abanya Rwanda omu Uganda nibaija kuteera akaruuru aka nyencakare aha Sunday, 14/7/2024.

Purezidenti Paul Kagame ow’ekibiina ekya Rwandan Patriotic Front ayetsimbire na Frank Habineza ow’ekibiina ekya Democratic Green Partu na Philippe Mpayimana otaine kibiina.

#WestUpdates
#RadioWestAt25