Eminyeto erikurenga 70,000 kuruga omuri za disiturikiti 20 na kampu 4 z’empungi niyo yaaganyirwe omunteekateeka egi. PHOTO by Thomas Tumwebaze.

N’ebya Thomas Tumwebaze

NTOROKO

Minisita w’eihanga ow’eby’oburambuzi, Bahinduka Martin Mugarra nashaba eminyeto okuba abesigwa aha mirimo yaabo baaba nibenda kuba abasinguzi omu myooga yaabo.

Minisita naagira ngu eminyeto enyingi okuburwa obwesigwa omu mirimo yaabo kibarugiirireho okuburwa emirimo hamwe n’okuburwa abantu abarikubesiga.

Mugarra ebi abigambiire aha kushohoza eminyeto etungire obukugu omu myooga nk’eby’oburambuzi, okwombeka, okubaziira n’endaijo ahansi y’enteekateeka eya Skilling the Youth Uganda erikuteebwa omunkora ekitongore ekya Uganda Rural Development and Training Program. 

Minisita Mugarra ashabire abasheija okuheereza abakazi baabo omugisha gw’okukora kwenda ngu babaase kubiisaho amaka gaabo hamwe n’okutunguura eihanga.

Omukoro gw’okushohoza eminyeto gubaire ah’eishomero erya Karugutu Primary School omu disiturikiti ya Ntoroko.

Minisita Mugarra ashabire abasheija okuheereza abakazi baabo omugisha gw’okukora kwenda ngu babaase kubiisaho amaka gaabo hamwe n’okutunguura eihanga.

Ivan Busobozi, ojwekiire diisi ya Ntoroko agizire ngu baine enteekateeka y’okukwatiraho eminyeto erikuba etungire obukugu omu myooga y’eby’emikono obwo barikukoresa puroguraamu za gavumenti nka PDM, emyooga n’ezindi.

Minisita naagira ngu eminyeto enyingi okuburwa obwesigwa omu mirimo yaabo kibarugiirireho okuburwa emirimo hamwe n’okuburwa abantu abarikubesiga.

William Kasoro, ceeyamaani wa disiturikiti eya Ntoroko nashaba eminyeto okwejumbira omu kurinda eby’obuhangwa.

Eminyeto erikurenga 70,000 kuruga omuri za disiturikiti 20 na kampu 4 z’empungi niyo yaaganyirwe omunteekateeka egi.

Minisita w’eby’oburambuzi nashaba eminyeto okuba abesigwa omu myooga yaabo.

Enteekateeka eya Skilling the youth Uganda neshagikwa ekitongore ekya Mastercard Foundation ahansi y’ekitongore ekya Uganda Rural Development and Training Program.

#WestUpdates