Jovrine Kaliisa, Omuhwezi w'omushuganisa wa PDM omu eihanga..(Photo by Bruno Mugizi)

‘Abarikuha ebituga kutunga eza PDM bakwatwe’ – Jovrine Kaliisa

N’ebya Bruno Mugizi

SHEEMA:

Ori omuhwezi w'omushuganisa wa puroguraamu eya PDM omu eihanga, Jovrine Kyomukama Kaliisa araabwire abo boona abarikwenda kuganyirwa omu PDM egi abarikuhereza bakuru ba za saaco hamwe n'ab’emiruka ebituga ngu bakwatwe aho naho.

Kaliisa ebi abigambire nyomwabazyo obu abaire akuriire omukoro gw'okurundana sente z'okwombeka ekibiina kya Nasare ahari Rwetunda Primary School ogubaire ahari Rwentuha Catholic parish omu waadi ya Itendero,Kagango divijoni, Sheema munisiparite.

Omukoro gw'okurundana sente z'okwombeka ekibiina kya nasare ahari Rwetunda..(Photo by Bruno Mugizi)

Sente zirikuhika miriyooni 19 nizo zirundiinwe ahamukoro ogu.

Kaliisa akyorekire ngu abantu bangire kukuratira emihanda ehikire kutunga sente za PDM obwo barikuhereza enguzi bakuru ba za sacco hamwe n’ab’emiruka, eki agiizire ngu kicumbagiize enteekateeka egi.

Omuhwezi wa Meeya wa Sheema Munisiparite, Rukia Nakariisa..

Ogu agarukire yaagira ngu gavumenti yaaherize kuteekaho sente z’okuyamba ab'emiruka ahaburaaro kandi ngu na Purezidenti araagire Minisiture y'eby'esente kuronda sente z'okwombekyera ab'emiruka amaju g’okutuuramu ahamiruka otiireho n'okwombeka embuga nkuru z'emiruka, eki agiizire ngu eki kigyenderire kuyamba omukuteeka kurungi omunkora puroguraamu egi hamwe n’okuhisya haihi obuheereza.

Abanyadiini abaahikire aha mukoro ogu..(Photo by Bruno Mugizi)

Ku abaire nagambira ahamukoro nigwo gumwe,ori omuhwezi wa Meeya ahabwa Sheema Munisiparite, Rukia Nakariisa asiimire abeebembezi b’amadiini omuri Sheema Munisiparite ahabw’okukwatanisa kwenda kutunguura eby'obwegyese omu Munisiparite.

#WestUpdates