Bamwe omubahikire ahakuziika James Katumba omuri Kyegegwa. PHOTO: NAGUDI FATUMA

Omushomesa wa BSU, oitsirwe abainazi, aziikirwe omuri Kyegegwa.

N’ebya Nagudi Fatumah 

Omushomesa ahamatendekyero gatari gamwe oitsirwe abainazi abatakamanyikirwe aziikirwe omubusaasi bwingi ahakyaaro kya Kako omuri Kyegegwa.

Omushomesa Katumba Don James abAire nashomesa omumatendekyero ashatu harimu eya Bishop Stuart University, Metropolitan International University Mbarara hamwe na Valley University omuri Bushenyi.

Ahamukoro gw’okuziika, oguhikirweho abantu kuruga omumbaju zitari zimwe, ahi abaire naakorera.

Okushaba kw’okumushendekyereza kwebembeirwe Pastor Levi Tindyebwa n'omuriisa John Mutabazi kuruga ahari Global Apostle Church. 

Ababeire nibakoresa omugyenzi, bebembirwe Enock Barigye, orikukurira eby’obuhingi n’okuhangaho ebintu bisya, n’obaire ari omukoresa we ahari Metropolitan University, Patience Nahabwe, basaasire n’eka ya Katumba bagumize ngu bafeereirwe omwana muto, w’obwengye kandi obaire naakunda kukora, aine n’amatsiko g’okuhindura ekika kye n’amagara gye.

Abanywani n’abashomire na Katumba bamugambireho nk’omuntu obaire nayendeza bagyenzi be.

Katumba akaitwa akasheeshe k'orwamukaga rw’esabiiti ehweire, bamunaga Kekombe omuri Kakoba, Mbarara City, bwanyima y’okumuhamba bakashaba sente zikabura, obu aba naaza kushomesa omuri Bushenyi.

Asigire omwana muto n’efaakazi. 

#WestUpdates