Pooriisi erikuraza omuriro n'okwiha amabaare omunguuto..(Photo by Charles Jjuuko)

Abatuura bayesharinga ahabwa gavumenti obutakora enguuto

N’ebya Charles Jjuuko

Abatuura b’eishaaza erya Bbaale omu disiturikiti ya Kayunga eriizooba bayesharinga ahabwa gavumenti obutakora enguuto eya Kayunga-Bbaale-Galiraya.

Abatuura nibetomboitira gavumenti ahabw’obutabakorera enguuto ya kiromita 92 erikuruga omu tauni ya Kayunga ekaza ahamwaro gwa Kawongo ahanyanja eya Kyoga omugomborora eya Galiraya.

Abatuura aba baashohora omu rukiiko oru Omuny’ishengyero w’ishaza erya Bbaale, Charles Tebandeke abeire ayetsireho omumaduuka ga Kitimbwa kubagambira ahanshonga y’okukora enguuto egi eheerizeho abantu omubutandu.

Tebandeke yaamanyisa abatuura ngu agyerizeho kwijusya gavumenti okubakorera enguuto ya koransi kwonka tihaine eki bakozire.

Bwanyima y’okushohora omu rukiiko oru, haija emotoka eijwiremu amabaare nikwo kugashuka omu nguuto, abatuura bakingaho enguuto obwo batarikwikiriza omuntu weena kurabamu. 

Ku baaheza baataho akeesharingo obwo barikwosya emipiira.

Pooriisi yaahika ahamwanya ogu nikwo kuraaza omuriro bakaiha n’amabaare omunguuto.

#WestUpdates