Kooti yacwamu ngu akasiimo ka Shs1.7bn akahairwe Mpuuga kakaba kari omumateeka. PHOTO by Michael Odeng and Farooq Kasule.

N’ebya Michael Odeng and Farooq Kasule

Kooti enkuru omuri Kampala yacwamu ngu akasiimo aku Mathias Mpuuga n’abandi ba komishona 3 ba Paramenti ngu akasimo aku babagaine aka shiringi 1,700,000,000 kakaba kari omu mateeka.

Omuramuzi Douglas Karekona Singiza, yacwamu ngu encwamu eyakozirwe ebiro 06.05.2022 ey’okuheereza omwebembezi w’orubaju oruhakani omu Paramenti (Mathias Mpuuga) shiringi 500,000,000 n’abandi ba komishona 3 ahi buri komishona yaatungire shiringi 400,000,000 nk’akasiimo zikahamibwa Paramenti kandi ziri omu mbariirira eyayanjwirwe ‘Executive’ nk’oku ekiragiro ekya Public Finance Management Act kirikugamba.

Okurugiirira ahari Karekona, akasiimo k’aba memba b’akakiiko ka Paramenti kakasharwamu akakiiko n’okuhamibwa kuruga omu Paramenti, Okurugiirira aha kiragiro ekya Administration of Parliament Act akacweka aka 2.

Omuramuzi Karekona Singiza yaragira ngu karaani wa Paramenti Adolf Mwesige afubirwe aha bikwatiirine n’akasiimo aka aku kooti yacwamu ngu kakaba kari omu mateeka.

Omuncwamu ya kooti ey’ebiro 12.08.2024, Singiza owa kooti enkuru eya Civil Divijoni yaragiira omuhandiiki w’entuura omu minisiture y’eby’esente okutaho enkiiko z’okufubira Mwesige omu bwire bw’ameezi 12 ahabw’okwejumbira omu kuhakanisa akasiimo aka.

“Karaani wa Paramenti (Mwesige) aketaba omu kukora encwamu y’okutaho akasiimo ako n’okushashura esente ezo”, Omuramuzi arikushoborora.

Paramenti ekarongoora Mpuuga shiringi 500,000,000 kandi ba komishona abandi 3 abarimu Solomon Silwany (Bukooli County Central MP), Prossy Mbabazi (Rubanda District Woman MP) and Esther Afoyochan (Zombo District Woman MP) buri omwe akaheebwa akasiimo ka shiringi 400,000,000.

Omuntu owakwatsirweho, Daniel Bwette, akataabariza akakiiko aka Parliamentary Commission arikugira ngu akasiimo akahairwe ba komishona abo kakaba katari omu mateeka. 

Beitu hoona, kooti yacwamu ngu akasiimo ako kakaba kari omu mateeka.

#WestUpdates