Yoram Baguma, 28, kuruga omu tauni kanso omuri Wakiso ari omu kooti ahamushango gw'okugamba kubi ahari Purezidenti. PHOTOs by Stuart Yiga.

N’ebya Omushaki weitu

KAMPALA

Omushaija owakwateirwe aha ruteerane rw’okuronda akaruuru omuri Kawempe Mbogo omuri Kampala arikuteeraho kuhika Purezidenti Yoweri Museveni ateirweho omushango kandi asindiikirwe aha rumanda.

Yoram Baguma, 28, kuruga omu tauni kanso ya Katabi omu disiturikiti eya Wakiso ateirweho omushango nyomwebazyo omu kooti ya Kawempe ahabw’okugambwa kuba yakozire ekikorwa ky’okunyizya, okujuma n’okugamba kubi ahari Purezidenti.

Abahababi nibagira ngu Baguma nabwo akateera Lt. John Sande Natukunda n’ekigyendererwa ky’okujuma n’okugamba kubi ahari Purezidenti.

Kooti ebaire ekuriirwe Omuramuzi wa kooti y’eidaara ry’okubanza, Damalie Aguma Asiimwe ayongiireyo omushango ogu arikugira ngu kooti ye teyine bushoborozi bw’okuguhurira.

Omu bwire obu yakwateirweho, Purezidenti Museveni akaba agiire omuri Kawempe kurondera akaruuru owabaire akwatiire ekigombe kya NRM ebendera Hajjati Faridah Nambi omu kugarukamu akaruuru ka Kawempe North akaasingirwe Elias Nalukoola owa NUP.

#WestUpdates