Enjara eitsire abaana 3 omu kampu y’empungi eya Palabek.

N’ebya Vincent Kaguta 

LAMWO

Abaana 3 nibagambwa kuba baitsirwe enjara omu kampu y’empungi eya Palabek omu disiturikiti eya Lamwo omu bwire bw’ameezi 3.

Empungi kuruga omu Ihanga erya South Sudan bariyo nibabonabona ahabw’enjara bwanyima y’ekitongore ky’eby’okurya omunsi yoona ekya World Food Program kukyendeza aha by’okurya ei kyabaire nikiheereza buri ka buri kwezi.

John Pasquale Udo, Omukuru kuruga omu kampu egi naagira ngu abaana abaitsirwe enjara bari ahagati y’emyaka 7 na 15.

Nabwo, nikigambwa ngu abaana aba tibarizire n’abazaire baabo barikutaaha omu Uganda kuruga South Sudan.

Udo nayongyeraho ngu abaana 2 bafiire omu kwezi kwa kataano omwaka kandi ondiijo afiire omu kwezi oku okwa mukaaga.

Okurugiirira ahari Udo, abaana baingi hati bagyemesereziibwe kutandika kuza kukora omu byanga butari bimwe omu disiturikiti eya Lamwo kubaasa kutunga eky’okurya.

Kuruga omu mwaka gwa 2017, obucweka 10 ahari 100 bw’empungi omuri za kampu omu disiturikiti eya Lamwo n’abaana abarikwija bonka batiine bazaire kandi obucweka 50 ahari 100 n’abaana abarikwija n’omwe aha bazaire baabo okurugiirira aha ofiisi y’empungi omuri Palabek.

#WestUpdates