Enkuba eitsire abantu 14 omu kampu y’empungi omu disiturikiti eya Lamwo.

N’ebya Charles Etukuri

LAMWO

Abantu 14 bateirwe enkuba baafa nyomwebazyo Orwamukaaga obu babaire bariyo nibashaba aha kanisa omu kampu y’empungi eya Palabek omu disiturikiti ya Lamwo.

Omugambirizi wa Pooriisi, Rusoke Kituuma naagira ngu eki kibaireho omu kushaba aha kanisa omu kyaro kya Zone 8.

“Aha Sande, ebiro 02.11.2024 omu disiturikiti eya Lamwo, abantu 14 bateirwe enkuba baafa kandi abandi 34 batungire obuhuta. Abafiire tibakamanyirwe ebirikubakwataho babaire beerundaine kushaba obu enjura etandikire kugwa shaaha nka 11:00 z’omwebazyo kandi enkuba ebateire shaaha 11:30 z’omwebazyo.

Abaahutiire bairukangiziibwe ah’eirwariro erya Paluda kutunga okuragurirwa,” Rusoke arikwongyera kushoborora.

Kampu y’empungi eya Palabek n’emwe ahari kampu z’empungi ensya omu Uganda eyatandikirweho omu kwezi kwa 4, 2016 kubaasa kukyendeeza aha mwijurirano gw’empungi omuri za kampu z’empungi omu kyanga ekya Bukizi bwa bumosho Burengyerwa-izooba bwa Uganda.

Omu mwaka gwa 2021, kampu egi ekaba yahikiremu empungi zirikurenga 60,000 ezabaire niziruga omu eihanga erya South Sudan kandi Pacenti ya 85 ahari 100 n’’abakazi n’abaana.

#WestUpdates