Minisita Alice Kaboyo, n'omuny'eishengyero-kazi w'Orurembo Mbarara bari ahamukoro gw'okukwatsa ab'eka y'omugyenzi James Karuhanga enju. PHOTO: ELI AKIZA

Eli Akiza

Minisita w’eihanga ow’enshonga za Luweero na Rwenzururu, Alice Kaboyo, nayenda ku ba nkazirwanaho batandikaho ebigombe by’okweteerana kibahwere okwegaita hamwe n’okukorera hamwe.

Bamwe omub'eka y'omugyenzi James Karuhanga bari ahakwakiira enju kuruga owa Minisita Alice Kaboyo nyomwabazyo ebiro 19.04.2024 omururembo Mbarara. PHOTO: Eli Akiza

Minista Alice Kaboyo okugamba ebi n’obu abeire nakwatsa enju eyombekyeirwe ab’eka y’omugyenzi James Karuhanga owateirwe amasasi omu kishaayi Booma muranga erikumureeba omu butware bwa Purezidenti Idi Amin barikumutura okushagika Yoweri Museveni obu yabeire ari omu kishaka.

Minisita w'enshonga za Luwero na Rwenzururu ahamukoro gw'okugaba enju omururembo Mbarara ebiro 19.04.2024. PHOTO: Eli Akizaarikugambira ahamukoro gw'okukwatsa

Gavumenti, kurabira omu ofiisi y’enganzi y’eihanga omu kitongore ky’enshonga za Luwero na Rwenzururu batandikire kw’ombekyera bamwe omuri ba nkazirwanaho abakozire bikuru okuhweraho omu rutaro rw’okucungura eihanga.

Okurugiirira ahari Minisita Alice Kaboyo, baine ekigyendererwa ky’okureeba ngu abo boona abaine eki baakozire omu rugyendo rw’okucungura eihanga baasherurwa kandi abo abarikwetenga kukwatirwaho bahwerwa.

Amaju garikuhingura omuri 5 nigo gaherize kwombekwa ab’ekitongore ky’amahe ekya National Enterprise Corporation omuri Mukono, Wakiso, Nakaseke, Bududa, hamwe n’egi ey’omururembo Mbarara kandi agandi gariyo nigaza kwombekwa okwetooroora eihanga.

Hon. Rita Atukwasa ari ahakugaba enju eyombekirwe aba NEC eizooba rya nyomwabazyo omururembo Mbarara. PHOTO: Eli Akiza

Omukoro ogu guhikirweho abandi beebembezi abarimu omuny’eishengyero-kazi w’orurembo rwa Mbarara Atukwasa Rita Bwahika, mukuru w’ekigombe kya ba nkazirwanaho omu ihanga Haj. Ediriisa Ssedunga, mukuru w’ekigombe kya NRM wa Mbarara City kandi owaabireho meeya, Wilson Tumwine hamwe n’abandi.

#WestUpdates