Siipika wa Paramenti ya Uganda, Anita Among (Bumosho), Purezidenti Yoweri Museveni ( Rwagati) hamwe n'omuhwezi wa Siipika wa Paramenti ya Uganda, Thomas Tayebwa. PHOTOS by Miriam Namutebi.

N’ebya Dallen Namugga

Purezidenti Yoweri Museveni nashaba abakazi kubeyongyera kujwekyera aha ntebe z’eishengyero aha rurengo rw’amashaza.

Museveni ebi yabigamba eriizooba ebiro 04/01/2024 obuyaba nayiguraho oruteerane rw’aba Siipika b’omu kigombe ekya Conference of Speakers and Presiding Officers of the Commonwealth (CSPOC) orw’omurundi gwa 3. Oruteerane oru ruriyo nirugyenda omu maisho ahari Speke Resort Munyonyo, Kampala.

Purezidenti Museveni arikugambaho n'aba Siipika ba Paramenti z'amahanga agaategyekirweho Bungyereza ahari Speke Resort Munyonyo, Kampala Orwakana ebiro 04/01/2024.

Purezidenti yaagamba aha kyetengo ky’amashaza kugira abajwekyerwa baingi b’abakazi omu Paramenti arikugira ngu aha mashaza 314 agari omu eihanga, abakazi babaasize kutwaraho entebe 14 zonka.

Purezidenti Museveni aha ruteerane rwaba Siipika ba Paramenti z'amahanga agaategyekirweho Bungyereza ahari Speke Resort Munyonyo, Kampala.

Okurugiirira ahari Museveni, abakazi baine entebe zaabo z’omutaano omu Paramenti kuruga omuri buri disiturikiti oteireho n’abakozi b’omu fakitore hamwe n’abajwekyerwa b’eminyeeto.

Purezidenti Yoweri Museveni nashaba abakazi kubeyongyera kujwekyera aha ntebe z’eishengyero aha rurengo rw’amashaza.

 
Ekigombe ekya Conference of Speakers and Presiding Officers of the Commonwealth kiretsire hamwe ba Siipika b’omuri za Paramenti z’omu mahanga agaategyekirweho Bungyereza. 

Bamwe aha bayetaba omu ruteerane rwaba Siipika ba Paramenti z'amahanga agaategyekirweho Bungyereza ahari Speke Resort Munyonyo, Kampala.

Ekigombe eki kikateebwaho omu mwaka 1969, enteebekanisa eyabaire eri ei owabaireho Siipika wa Paramenti ya Canada, Lucien Lamoureux.

#WestUpdates