Okutongoza oku kwaba aha ofiisi za IGCP omuri Ruhija Tourism Area omuri Burugwa-Izooba bw’ekibira kya Bwindi na Sarambwe. PHOTO by Job Namanya.

N’ebya Job Namanya

BWINDI

Abarikurwanira eby’obuhangwa omu kyanga ekya East Africa abarikwegaitira omuntebekanisa eya Greater Virunga Transboundary Collaboration hamwe n'abarikukwatanisa nabo baatongoza okubara engagi (Gorillas) hamwe n’empundu z’omunshozi kubaasa kumanya omubaro gwazo n'okuzirinda kurungi. 

Okutongoza oku kwaba aha ofiisi za IGCP omuri Ruhija Tourism Area omuri Burugwa-Izooba bw’ekibira kya Bwindi na Sarambwe.

Dr. James Musinguzi, orikwebembera ekitongore ekya Uganda Wildlife Authority (UWA) niwe yakurira omukoro ogu.

Dr. Musinguzi yayoreka ngu okubara ebikoko oku nikwija kubahwera kumanya oku amaani agu bateire omu kurinda eby’obuhangwa gabaasize kukora.

Okutongoza oku kwaba aha ofiisi za IGCP omuri Ruhija Tourism Area omuri Burugwa-Izooba bw’ekibira kya Bwindi na Sarambwe.

Okurugiirira ahari Wellard Makambo, orikukurira ekitongore kya IGCP, okubara ebikoko oku nikwija n'okureetaho okwetegyereza ebirikukwata ahangagi ezi hamwe n'emitwarize yaazo.

Enteekateeka egi negaita ebitongore ebirikurinda eby'obuhangwa, ebitongore bya gavumenti hamwe n'abantu b'omu byaro, okurinda za gorilla hamwe n'obutuuro bwazo. 

Okutongoza oku kwaba aha ofiisi za IGCP omuri Ruhija Tourism Area omuri Burugwa-Izooba bw’ekibira kya Bwindi na Sarambwe.

Okubara oku nikwiija kutwariramu tiimu mukaaga ezirimu abakozi kuruga omu matendekyero 11 abarikwija kutambura n'ebigyere barikurabira omuri Bwindi, okuronda obubonero bw'engagi hamwe n’empundu barikuhandiika emyanya y'obwire bwazo n'okurundaana obundi bumanyiso  bw'okushwijuma. 

James Byamukama, mukuru w'eitendekyero erya Jane Goodall Institute Uganda nashoborora ngu ogu nigwija kuba omurundi gw’okubanza kumanya omubari gw’empundi omu kyanga eki.

Okutongoza oku kwaba aha ofiisi za IGCP omuri Ruhija Tourism Area omuri Burugwa-Izooba bw’ekibira kya Bwindi na Sarambwe.

Ogu yashoborora ngu eki nikiiza kuhindura ebyafaayo by'okurinda eby'obuhangwa, n'okureeba Bwindi-Sharambwe nk'omwanya gwonka ogurimu enkima ibiri eziri omu kabi 

Nelson Guma, omukuru omu eirindiro ry'enyamaishwa erya Bwindi-Mgahinga Conservation Area, yayoreka ngu okubara nikwija kureetaho enkora nungi y'okurinda za gorilla, n'okureetaho okwetegyereza okw'omugasho aha mirimo y'okurinda.

#WestUpdates