Okuronda emibiri y’abashwekirwe kasasiro ya Kiteezi nikugumizamu - Pooriisi...(Photo by Simon Peter Tumwine)

N’ebya Simon Peter Tumwine

Kampala:

Pooriisi negira ngu okuronda emitumbi y’abantu abarikuteekateekwa kuba bafeereire omukigwerezi kya kasasiro ya Kiteezi kuterebuka ahabiro 10/8/2024 nikugumizamu.

Omugambirizi wa Pooriisi ahabwa Kampala n’emyanya egyetoreire, Patrick Onyango naagira ngu abantu 11 nibo bakibuzire omuri Lusanja bwanyima y’ekigwererezi kya Kiteezi.

Onyango obu abaire nagambaho n’aabanyamakuru nyomwabazyo, agiizire ngu akakiiko k’okucondooza kakatandika kushwijuma gaaba gari amazima abantu 28 nibo bakibuzire.

Beitu akakiiko aka kashangire ngu abantu 11 nibo bakibuzire kandi baine ebirikubakwataho.

Ahabiro 10/8/2024, kasasiro ya Kiteezi ekaterebuka yashweka abantu, amaka gaabo n’amatungo bwanyima y’enjura y’amaani.

Ebyaro 3 aharimu Lusanja na Kitekita nibyo byateganisiibwe.

Riipota ya Pooriisi ya Uganda ahabiro 16/8/2024 ekahamya ngu bakaba bazoire emibiri 35 erimu emitumbi 12 y’abaana.

#WestUpdates