Abakazi nabo bejumbiire omu mirimo y'eizooba eryo barikurabira omu mpaka z'okukurura omugoye (tug of war). Photos by Job Namanya.

N’ebya Job Namanya

KANUNGU

Abantu abarikutuura haihi n’eirindiro erya Bwindi Impenetrable National Park omu disiturikiti ya Kanungu bejumbiire omu by’emizaano nk'omuringo gumwe gw'okumanyisa abantu ebirikukwata aha kurinda eby'obuhangwa omu kwijuka ekiro ky'ensi yoona ekya World Environment Day 2025.

Enteekateeka etongozibwe n'omupiira gw'omukago ahagati ya tiimu ya Change a Life Bwindi Football Club na tiimu ya Mpungu Subcounty Select. 

Bwanyima y'omuzaano kuhwa na gooro 1:1 omudakiika 90, tiimu zombi zigiire aha kusumura Penalties kandi Mpungu Sub County ehendiire esingire na gooro 5 ahari 4.

Tiimu zombi zigiire aha kusumura Penalties kandi Mpungu Sub County ehendiire esingire na gooro 5 ahari 4.

Abakazi nabo bejumbiire omu mirimo y'eizooba eryo barikurabira omu mpaka z'okukurura omugoye (tug of war).

Emizaano etakatandiikire, abantu b'omu kyanga eki babandiize bayonja etauni barikurundaana kasasiro kuruga omu myanya yaabo.

abantu b'omu disiturikiti ya Kanungu babandiize bayonja etauni barikurundaana kasasiro kuruga omu myanya yaabo.

Christina Katushabe, Omuhandiiki w'ekitongore ekya Change a Life Bwindi, ekirikukwatanisa abantu b'omu byaro omu eirindiro ry'enyamaishwa kurabira omu kwegyesa abantu n'okurinda eby'obuhangwa ashoboroire omugasho gw'enteebekanisa egyo.

Sgt. Maj. Augustine Muhangi, orikukurira eby'oburambuzi omu kicweka keya Ruhija omuri Bwindi asiimire enteekateeka egyo arikugira ngu neija kwongyerera ahanteekateeka y’ekitongore ky'amarindiro g’enyamaishwa z’omu kishaka ekya Uganda Wildlife Authority.

#WestUpdates