Omukazi omuri Ibanda akwatsirwe ahabw’okwita ishenkuru

        
N’ebya Beth Akatukunda

Ibanda:

Pooriisi omu disiturikiti ya Ibanda ekwatsire omukazi orikugambwa kuba aitsire ishenkuru ow’emyaka 49 obu abaire abyami.

Samson Kasasira, Omugambirizi wa pooriisi ahabw’ekyanga ekya Rwizi yaagira ngu okwatsirwe amanyirwe nka Pamela orikugambwa kuba acumitsire ishenkuru, Richard Muhangarizi, 49, omutuura w’ekyaro ekya Katunguru omugomborora eya Kikyenkye omu disiturikitiya Ibanda.

Nikigambwa ngu omwishiki ogu obaire aine omuhoro, ataahiriire ishenkuru abyami, yamutema emirundi nyingi ahamutwe kuhitsya obu afiire, ku aheerize yayetabariza owa Ceeyamaani w’ekyaro eki.

Ceeyamaani amutweire aha pooriisi eya Igorora ahi akwatiirwe obwahati.

Kasasira yaagira ngu pooriisi ehiikire ahamwanya ogu, yakwata omuhoro nk’ekizibiti kandi omubiri guhairwe abanyabuzaare kuteebeekanisa eby’okuziika.

Okucondooza nikugumizamu.

#WestUpdates
#RadioWestAt25