Gravity akwateirwe aharuguuto orwa Jinja omumwabazyo gw’orwakashatu ebiro 28.08.2024 kandi atwirwe aha Pooriisi ya CPS omuri Kampala.

N’ebya Omushaki weitu

KAMPALA

Pooriisi omuri Kampala ekwatsire Omweshongozi Gereson Wabuyu orikumanywa nka Gravity Omutujju ahabw’okugambwa kuba abaire nahemba omuriro omu bantu rwagati y’orurembo Kampala.

Nikigambwa ngu Gravity Omutujju ababaore naza Lugogo Cricket Oval aharuguuto orwa Jinja kandi abaire akuratiirwe abavugi ba boda-boda barikugamba ebigambo eminyeeto ekishanyararize eby’entambura omu rurembo. 

Gravity akwateirwe aharuguuto orwa Jinja omumwabazyo gw’orwakashatu ebiro 28.08.2024 kandi atwirwe aha Pooriisi ya CPS omuri Kampala.

Omu Pooriisi aha CPS ahamize okukwatwa kwa Gravity arikugira nu najunaanwa okureetaho akashashamaraho n’okushanyaraza eby’entambura ataine kwikirizibwa kuruga omu bakuru omu by’okwerinda.

Omu kugambaho nawe aha simu, Gravity agizire ngu bamukwatsire obu abaire aine tiimu ye barikutambura abantu barikunkuratira kandi obwo ntabetsire. 

Nashoborora ngu abaire aineho orukiiko rw’abanayamakuru ahari Lugogo Cricket Oval omu kwetegurira ekivuro kye okwezi okurikwija.

Orikukurira CPS, David Nahamya ahamiize abanyamakuru ahakukwatwa kwa Gravity.

Abereebire nagabo nibagira ngu Gravity arugire Katwe kandi ku ahikire ahari Clock Tower Junction. 

Nikwo abantu baingi kumukuratira aharuguuto orwa Ben Kiwanuka beitu Pooriisi egyerizeho kumutangira okuraba aharuguuto orwa Kampala beitu Gravity amwehugize.

Pooriisi eizire yamukwatira aha bitaara by’aharuguuto orwa Jinja nikwo kumuta aha Pick-Up n’abandi bantu abu abaire aine aha tiimu ye.

#WestUpdates