Purezidenti Museveni arikubuganaho ba minisita b'enshonga z'aheeru y'eihanga erya Venezuela aha maka g'obwa Purezidenti, Nakasero. Photo by PPU.

N’ebya Omushaki weitu

NAKASERO

Purezidenti Yoweri Kaguta Museveni abugaineho kandi yaganiira n’entumwa za Venezuela aha maka g’obwa Purezidenti, Nakasero nyomwebazyo ebiro 02/11/2023.

Entumwa za Venezuela harimu; H.E Yvan Gil Pinto- minisita w’enshonga z’aheeru ya Venezuela hamwe na Hon. Yuri Pimentel Moura- Omuhwezi wa Minisita omu minisiture y’enshonga z’aheeru.

Aha rubaju orundi, H.E Gil Pinto amanyiise Purezidenti ngi omuri Venezuela, embeera ni nungi kandi ngu Purezidenti H.E Maduro amusindikiire endamusyo hamwe n’abantu ba Uganda boona.

Omu rukiiko oru, Purezidenti Museveni ayakiire entumwa za Venezuela omu Uganda kandi agarukire yasiima Purezidenti mutaahi we owa Venezuela, H.E Nicolas Maduro ahabw’okumwohereza omu Uganda kunywanisa amahanga aga 2.

Purezidenti Yoweri Kaguta Museveni abugaineho kandi yaganiira n’entumwa za Venezuela ahari Nakasero ebiro 02/11/2023. Photos by PPU.

Purezidenti Museveni nabwo asiimire H.E Maduro hamwe n’omugyenzi Hugo Chavez owabaire ari Purezidenti wa Venezuela ahabw’enkwatanisa eri ahagati ya Uganda na Venezuela.

Purezidenti ayorekiire ekyetengo ky’okukwatanisa na Latin America, arikukira ngu ni kikuru munonga omu kwebisaho omu bikwatiriine n’entaasya omu kizinga kya Africa.

Purezidenti Museveni nabwo agambiire abagyenyi be ngu bategyeriize kwakiira Purezidenti Maduro kwetaba omu ruteerane rw’amahanga agarikwegaitira omu kigombe ekya Non-Aligned Movement (NAM) orurikuza kubaho omu kwezi kw’okubanza, 2024 omuri Kampala.

Aha rubaju orundi, H.E Gil Pinto amanyiise Purezidenti ngi omuri Venezuela, embeera ni nungi kandi ngu Purezidenti H.E Maduro amusindikiire endamusyo hamwe n’abantu ba Uganda boona.

Naagira ngu bataayaayire Uganda ahabw’enshonga 2 ezirimu okutaabarusya eihanga ahabw’ebi birikukora hamwe n’okuhamya enkwatanisa ahagati y’amahanga aga 2 erya Uganda na Venezuela.

#WestUpdates