Ben Kumumanya, Omuhandiiki w'entuura omu minisiture ya gavumenti z'ebyanga, Lt. Col. James Mwesigye- RCC Mbaarara City hamwe na Robert Mugabe Kakyebezi, Meeya wa Mbarara City. Photo by Adolf Ayoreka.

N’ebya Adolf Ayoreka

MBARARA

Omuhandiiki w’entuura omu minisiture ya gavumenti z’ebyanga, Ben Kumumanya ahabwire abeebembezi b’omu rurembo rwa Mbarara aha ku baine kutwarizamu abashuubuzi abatakagiire omubuju bwabo hamwe naabo abangiire kimwe kushashura esente z’akatare omu katare aka Mbarara central market kuruga bubaheebwa omu kwezi kwa kana omwaka oguhwaire.

Nikijukwa kurungi ngu abeebembezi b’omu rurembo rwa Mbarara omu kwezi kwa kana omwaka oguhwaire bakaheereza abashuubuzi obuju 742 hamwe n’emidaara 227 omu katare aka Mbarara Central Market. 

Bietu hoona, kuruga obwo, abashuubuzi abamwe tibakazaga omu buju bwabo na munonga abahamwariro gwa kana.

Nikigambwa ngu abashuubuzi omu katare aka bangiire kimwe kushashura esente z’akatare eza buri kwezi ezirikwingana shiringi 100,000 kandi obwo abashuubuzi abandi barikushashura eki kanso egizire ngu kiteganise emikorere yaabo na munonga omu kuyoora kasasiro hamwe n’okushashurira amaizi, amashanyarazi n’ebindi.

Obuju 30 aha mwariro ogwakana omunda y’akatare aka, abashuubuzi bangiire kubuzamu kuruga bubaheebwa omu kwezi kwakana omwaka oguhwaire.

Arikubuganaho abeebembezi ba Mbarara City ahari Las Vegas Hoteeri omuri Mbarara aharwakashatu ebiro 13/09/2023, Ben Kumanyana, Omuhandiiki w’entuura omu minisiture ya gavumenti z’ebyanga abahabwire oku baratwazemu enshonga egi barikugyendera aha kiragiro ky’obutare ekya Market Acts, 2023.

Col. James Mwesigye, RCC wa Mbarara agizire ngu n’eky’okushwazana kushanga ngu gavumenti ekatamu esente nyingi kwombeka akatare aka reero abashuubuzi bakanga kuza omu buju obwabahairwe.

Didas Muhanguzi, city clerk wa Mbarara City South naagira ngu bagyerizeho kugamba n’abashuubuzi b’eby’enyanja kurabira omunkiiko zitari zimwe n’ebaruha z’okubarabura beitu abashuubuzi bakiremire kushashura esente z’akatare aka.

#WestUpdates