Omuny'ishengyero wa Kabale Munisiparite, Dr. Nicholas Kamara arikuhayo ofiisi owa Dr. Medard Bitekyerezo nka Mukuru w'ekigombe ky'abeegi abaashomiire MUST. Courtesy photo.

N’ebya Beth Akatukunda

MBARARA

Dr. Medard Bitekyerezo yaaza omu ofiisi nka Ceeyamaani w’ekigombe ky’abeegi abashomiire ah’eitendekyero erya Mbarara University of Science and Technology (MUST).

Dr. Bitekyerezo nabwo ori ceeyamaani wa boodi ahabw’ekitongore ky’emibazi omu Ihanga erya National Drug Authority yaaza omu bigyere bya Dr. Nicholas Kamara- Omuny’ishengyero wa Kabale Munisiparite.

Omu bigambo bye yaheza kuza omu ofiisi, Dr. Bitekyerezo yaagira ngu tarikuza kwikiriza omukuru weena aha MUST na munonga omu kitongore ekirikujunanizibwa aha kugura ebintu okutembya emihendo y’ebintu ahabw’okwerondera ebyabo.

Yaraganisa okworekagye enkoresa y’esente zoona eziraarundanwe kuruga omu baashomiire ah’eitendekyero erya MUST n’omuri ba nyekundiire.

#WestUpdates