Kabaka wa Buganda, Ronald Muwenda Mutebi II naashaba ekitongore ky’oburamuzi okurahusyaho okukora aha mishango y’amataka. PHOTOs: Dickson Kulumba.

N’ebya Henry Sekanjako

KAMPALA

Kabaka wa Buganda, Ronald Muwenda Mutebi II naashaba ekitongore ky’oburamuzi okurahusyaho okukora aha mishango y’amataka kwenda ngu abanya-Uganda babaase kutunga oburinganiza.

Arikwiguraho orushutamu rwa 31 orwa paramenti ya Buganda eriizooba ahari Bulange Mengo omuri Kampala, Kabaka yayoreka okushaasha ahabwa kooti kutwara obwire buringwa kukora aha mishango y’amataka erikutwara omuri za kooti ezo.

“Abantu baitu omu eihanga bariyo nibabonabona ahabw’okubingwa aha mataka kandi ku barikujuriza omu baramuzi kuhurira enshonga zaabo, za kooti zitwara obwire buringwa kuhurira emishango yaabo,” kabaka arikushoborora.

Kabaka Mutebi nabwo nashaba gavumenti okutwara eby’obuhingi nk’enshonga nkuru omu mashomero kwenda ngu abeegi babaase kutunga obukugu omu by’okuhinga.

Yahabura abanya-Uganda okwejumbira omu by’obuhingi n’oburiisa nka gumwe aha muringo gw’okutunga entaasya y’amaka gaabo oteireho n’okurwanisa obworo.

Kabaka yaaba ashendekyereziibwe omukazi we, Sylivia Nabagereka Naginda, Princess Katrina Ssangalyambogo, Prince Jjunju Kiweewa na Prince David Wassajja n’abandi.

Kabaka wa Buganda, Ronald Muwenda Mutebi II aigwireho orushutamo rwa 31 orwa Paramenti ya Buganda ahari Bulange, Mengo Kampala.

Omu kwiguraho orushutamo rwa Paramenti ya Buagnda, ba minisita ba Kabaka abasya n’abajwekyerwa basiima Kabaka ahabw’okubatoorana kandi baraganisa kukora gye emirimo yaabo ebahairwe.

#WestUpdates