Omuhwezi w'enganzi y'eihanga owakashatu, Rukia Isanga Nakadama

Minisita Nakadama yaashaba okusaasiirwa ahabw’okwosha kwa ba Minisita omunshutamo za Paramenti

N’ebya Dedan Kimathi

Bwanyima y’okwetomboita ahabwa ba Minisita okwosha omu nshutamo z’eishengyero, Omuhwezi w’enganzi y’eihanga owakashatu, Rukia Isanga Nakadama yaashaba okusaasirwa omu eishengyero.

Okwesaasiiza oku kwaijaho bwanyima ya Sipiika Anita Among kwongyezayo okushutama kwa paramenti nyomwabazyo bwanyima ya ba Minisita 82 boona kwosha omu rushutamo rwa paramenti nyomwabazyo.

Nakadama yaayesaasiza eishengyero ahabw’enshonga egi beitu yaagira ngu beheireyo okukora kandi nibaija kuguma nibakwata obwire.

Abany’eishengyero abamwe nibajunaana ba Minisita ahabw’obutahika omu nshutamo z’eishengyero, enshonga ei barikugira ngu neeruga ahabamwe obutakunda Sipiika Among.

Beitu hoona Minisita w’eihanga ow’enshonga z’amahe yaagira ngu obumwe nibaaba baine byingi by’okukora kibaremesa okuhika omu nshutamo za paramenti.

#WestUpdates