Purezidenti Museveni aragiire Omutonganiirizi wa gavumenti Kiryowa Kiwanuka okukora ekiragiro eky’okufubira abalaalo abarikuseture ente. Courtesy Photo.

N’ebya Omushaki weitu

ACHOLI

Purezidenti Yoweri Museveni aragiire Omutonganiirizi wa gavumenti Kiryowa Kiwanuka okukora ekiragiro eky’okufubira abalaalo abarikuseture ente.

Okuragira kwa Purezidenti kuri omu kihandiiko eki ashohoize Orwakashatu ebiro 25.06.2025 ekirikugamba aha biragiro ebisya aha bikwatiriine n’akavuyo akariho ak’okubinga abalaalo hamwe n’amatungo gaabo ah’eitaka eriri omu Northern Uganda na munonga omu kyanga ekya Acholi.

Omu kihandiiko nikyo kimwe, Purezidenti Museveni nabwo nagira ngu gavumenti neija kutaho akakiiko ak’okucondooza ahaby’abalaalo abamwe barikugamba ngu bakagura eitaka barizitira nka faamu zaabo, bataho emyanya y’oburugo bw’amaizi ey’obutwire n’ebindi.

Okuragira kwa Purezidenti nikwijaho bwanyima y’obwire bwa wiiki 2 obwabaire buhirweyo Minisita w’eihanga ow’enshonga za Northern Uganda Dr Kenneth Omona ahabiro 23.05.2025 kuhwayo.

Nyomwabazyo ebiro 25.06.2025, Purezidenti Museveni akyorekire ngu abalaalo nibeija kuruga ah’eitaka rya Acholi omu bicweka bishatu kandi entebeekanisa egi neteekateekwa kumara ebiro 65.

#WestUpdates