“Gavumenti eshemereire kuheereza eminyeto entandikwa” – Minisita Rusoke

N’ebya Thomas Tumwebaze

Kabarole:

Minister w’eihanga owa Gavumenti z’ebyanga, Victoria Rusoke nashaba Gavumenti okutaho sente z’okuhwera eminyeto kwetandikiraho emyoga baheeza emishomo yaabo.

Ebi Minisita abigambire ahamukoro gw’okushohoza eminyeto 1,218 abatendekirwe eby’emikono omuri Kabarole.

“Gavumenti eshemereire kuheereza eminyeto entandikwa” – Minisita Rusoke

Minisita Rusoke hoona ori omuny’eishengyerokazi wa disiturikiti eya Kabarole naagira ngu obwahati eihanga niriteganisibwa eibura ry’emirimo, agumize ngu Gavumenti eine kutaho emiringo y’okuhwera eminyeto nk’okubaha emirimo n’entandikwa.

Abajwaire batendekirwe emishomo erimu eby’oburambuzi, eby’obuhingi n’oburiisa kandi omukoro gukoreirwe ahakishaayi ekya Boma omu rurembo orwa Fort Portal.

“Gavumenti eshemereire kuheereza eminyeto entandikwa” – Minisita Rusoke

Albert Aheebwa, Sipiika w’orurembo orwa Fort Portal nahabura eminyeto obutejumbira omubikorwa by’okuteganisa obusingye bw’eihanga.

Robert Kabatazi, orikukurira eby’obwegyese omu kitongore ekya Uganda Rural Development and Training Program, ‘URDT’ naagira ngu omu myaka 4, batandekire eminyeto 70,000 kandi ngu omuri aba, obucweka 70 n’abeishiki.

“Gavumenti eshemereire kuheereza eminyeto entandikwa” – Minisita Rusoke

Ehururu y’okutendeka eminyeto eri omu disiturikiti 20 eza Uganda hamwe n’emyanya 4 erikutuuramu empungi kandi ehururu egi neshagikwa n’ekitongore ekya Mastercard Foundation okurabira omuri Uganda Rural development and Training Program (URDT).

#WestUpdates