Okurugiirira ahari Basulira, ebikwato byona ebihairweyo Orw’okubanza bibariirwemu sente zirikurenga miriyooni 500. Photo by Rwambuka Mugisha.

N’ebya Rwambuka Mugisha

NTUNGAMO

Minisiture y’eby’obuhingi n’oburiisa ehaire disiturikiti ya Ntungamo emibazi y’amatungo n’ebindi bikwato eby’okukoresa omukurwanisa endwara y’ejwa omu matungo (Foot and Mouth Disease-FMD).
 
Dr. Yake Basulira, Orikukurira eby’amatungo omuri Ntungamo ayakiire ebikwato ebi kuruga omu bakuru kuruga omu minisiture n’abakuru omu disiturikiti abarimu omuhwezi wa RDC, Rosemary Atuhaire, Diisi Mathias Ndifuna, Dr. Byarugaba Denis- orikukurira eby’amatungo hamwe na Ezra Kwesiga, omubazi mukuru w’ebitabo omu disiturikiti n’abandi.

Okurugiirira ahari Basulira, ebikwato byona ebihairweyo Orw’okubanza bibariirwemu sente zirikurenga miriyooni 500.

Arikugambira aha mukoro gw’okuhayo ebikwato ebi, omuhwezi wa RDC, Rosemary Atuhairwe asiimire gavumenti ahabw’okubireeta omu bwire nikwo kushaba abarikukira ebby’amatungo omu disiturikiti okubanza bakaheereza emyanya ekirizeyo kuteeganisibwa endwara y’ejwa nk’omu magomborora eya Rugarama North, Nyamukana, Itojo, Nyakyera n’endiijo myanya ahi endwara y’ejwa ekiri ekizibu ky’amaani.

Ebikwato ebihairweho birimu za dozi 60,000 z’omubazi gw’okurwanisa endwara y’ejwa, za furiigi 3 ez’okubiikamu emibazi, 2 cool boxes, 2 power stabilizers, 1 deep freezerna lita 500 z’omubazi gw’okufuhirira obukooko omu bihingwa n’ebindi bingi.

Atuhaire akyorekire ngu puroguraamu y’okusirika amatungo endwara y’ejwe neija kutandika ebiro 20/05/2024, ehururu y’okubara abantu ekiriyo negyenda omu maisho ku eraahendere ebiro 19/05/2024.

#WestUpdates