Enganzi Y’eihanga, Robinnah Nabbanja ayetabire omurukiiko ahakwetwa kwa minisita w'eihanga ow’enshonga z’aheeru, Sheikh Shakhboot Nahyan Al Nahyan. PHOTOs by PMPU.

N’ebya Omushaki weitu

DUBAI

Enganzi y’eihanga, Robinnah Nabbanja ari omuri United Arab Emirates kwiguraho omushomo gw’eby’obushuubuzi ogwa Uganda na UAE ogw’omurundi gwa kashatu kujwekyera Purezidenti Yoweri Museveni.

Omushomo ogu gutebeekanisiibwe ahansi y’omutwe “Unlocking New Horizons for Economic Prosperity”.

Omushomo ogu ogw’omurundi gwa 3 ogwa Uganda-UAE oguri omuri Dubai nigutebeekanisibwa ekitebe kikuru kya Uganda omuri Abu Dhabi hamwe n’omuri Dubai kandi gutandikire ebiro 28.10.2024 kuhisy ebiro 31.10.2024.

Nabbanja ari omuri Dubai ahabw’omushomo gw’eby’obushuubuzi ogwa Uganda na UAE.

Omushomo ogu niguba gugyendereire abashuubuzi, abamakorero n’ekigyendererwa ky’okwongyera aha bintu ebi Uganda na UAE birikuguza omu mahanga gaheeru, okutunguura eby’obushuubuzi, tekinologiya n’entunguuka y’amahanga aga 2.

Enganzi Y’eihanga, Robinnah Nabbanja ayetabire omurukiiko ahakwetwa kwa minisita w'eihanga ow’enshonga z’aheeru, Sheikh Shakhboot Nahyan Al Nahyan.

Nabbanja amanyise UAE ngu Africa nakyo n’ekizinga ekirimu ebintu bingi by’eby’obugaiga ebirimu eby’obugaiga bw’omu eitaka, amashanyarazi n’ebindi ebiri bikuru omu kutunguura eby’entaasya y’eihanga.

Nabbanja akyorekire ngu UAE hati n’emwe ahabanyamyoga omu by’entunguuka abeebembire omu kukorera bizinesi omu Uganda omu bitongore nk’eky’amajuta, eby’obuhingi n’oburiisa, eby’oburambuzi, eby’amagara n’ebindi.

Enganzi Y’eihanga nabwo agizireho orukiiko n’omuhandiiki w’ekitongore eky’entaasya omuri Abu Dhabi, Rashed Alblooshi.

#WestUpdates