Purezidenti Museveni yaheza kuhika aha kishaayi ky'enyonyi, Entebbe kuruga omuri United Arab Emirates. PHOTOS by PPU.

N’ebya Omushaki weitu

ENTEBBE, KAMPALA

Purezidenti Yoweri Kaguta Museveni omwabazyo gw’eriizooba yagaruka omu Uganda bwanyima y’okuhendera orutaayaayo rwe orutongore omu eihanga erya United Arab Emirates (UAE).

Purezidenti Museveni yaheza kuhika aha kishaayi ky'enyonyi, Entebbe kuruga omuri United Arab Emirates.

Aha kishaayi ky’enyonyi ekya Entebbe, Purezidenti Museveni yayaakiirwa Omuhwezi wa Purezidenti, Jessica Alupo, Minisita w’enshonga z’obwa Purezidenti, Babirye Milly Babalanda, Mukuru w’ekitongore ky’abakozi, Lucy Nakyobe, Mukuru w’amahe g’eihanga, Gen. Wilson Mbasu Mbadi, n’abandi bakuru omu gavumenti.

Bamwe omu bakuru omu gavumenti abarimu Vice Purezidenti, Jessica Alupo, Minisita w'enshonga za Purezidenti, Babalanda n'abandi aha kishaayi ky'enyonyi, Entebbe kuruga omuri United Arab Emirates.

Omurutaayaayo rwe omuri United Arab Emirates, Museveni abugaineho kandi yaganiiraho na Purezidenti mutaahi we owa UAE kandi omwebembezi wa Abu Dhabi, Owek. Sheikh Mohammed bin Zayed Al Nahyan aha maka g’obwa Purezidenti omuri Abu Dhabi.

Purezidenti nabwo abugaineho guruupu yaaba invesita kuruga omu kampuni zitari zimwe omuri UAE.

Purezidenti Museveni arikubuganaho abashuubuzi kuruga omu kampuni zitari zimwe omuri United Arab Emirates.

#WestUpdates