Neymar Junior yayegaita aha kiraabu eya Al Hilal obwo arikuruga PSG..

Omuzaani Neymar Junior yaaza omu kiraabu eya Al Hilal

N'ebya Andrew Tushabe

Neymar Junior yaaza Al Hilal. Ogu yaaruga omu Paris St Germaine omuri Bufaransa nikwo kwegaita aha kiraabu ey'omumpaka eza Saudi Pro omuri Saudi Arabia ahari sente zirikwingana miriyooni 100 eza Euro.

Kepa Arrizabalaga owa Chelsea yaayegaita ahari Real Madrid aha looni bwanyima ya omukwatsi wa goora owa Real Madrid, Thibaut Courtois, kutunga obuhuta bw'amaani.

Liverpool baagura omuzaani Romeo Lavia kuruga omu Southampton ahari miriyooni 60 eza pawundi. Eki nikiijaho bwanyima y'omuzaani Brighton, Moises Caicedo kwanga kubeegaitaho agumize ngu nayenda Chelsea.

Harry Maguire, omuzaani wa Manchester United

Omuzaani wa Manchester United Harry Maguire abaasa kusigara omu kiraabu egi. Omutendeki, Erik Ten Hag, arugireyo yagambira abanyamakuru ngu Maguire ashemereire kurwana mashaija kutunga omwanya aha tiimu.

#WestSports
#TransferNews