Wednesday, February 12

Museveni ahikire ahakwiguraho ekishaayi kya Jaramogi Oginga Odinga.

Museveni ahikire ahakwiguraho ekishaayi kya Jaramogi Oginga Odinga. PHOTOs by PPU.

N’ebya Omushaki weitu 

KENYA

Purezidenti Yoweri Museveni na mutaahi we owa Kenya, William Ruto aharwakana ebiro 02.01.2025 bigwireho omu butongore ekishaayi ekisya ekiherize kwombekwa ekya Jaramogi Oginga Odinga omu eishaza erya Burengyerwa- Izooba erya Siaya omuri Kenya.

Ekishaayi eki kyetsirwe eiziina eryo kubaasa kwijuka n’okusiima omugyenzi Jaramogi Oginga Odinga, owabaireho omuhwezi wa Purezidenti w’okubanza wa Kenya.

Museveni ahikire ahakwiguraho ekishaayi kya Jaramogi Oginga Odinga.

Museveni ahikire ahakwiguraho ekishaayi kya Jaramogi Oginga Odinga.

Omutabani kandi owabaireho enganzi y’eihanga erya Kenya, Raila Odinga nawe abaire ari aha mukoro gw’okwiguraho ekishaayi eki.

Ah’eizooba niryo rimwe, ekishaayi eki kizaaniirwemu omuzaano gw’omukago ahagati ya tiimu ya Kenya erikukoragye eya Gor Mahia FC hamwe na tiimu y’omu Uganda eya Kitara FC.

Tiimu ya Gor Mahia FC niyo esingire omuzaano ogu bwanyima y’okuteera Kitara FC na gooro 9 ahari 8 omu kusumura obwina (Penalties).

Purezidenti Museveni arikuha ekikopo aba tiimu ya Gor Mahia FC eya Kenya esingire omuzaano gw'omukago bwanyima y’okuteera Kitara FC na gooro 9 ahari 8 omu kusumura obwina.

Purezidenti Museveni arikuha ekikopo aba tiimu ya Gor Mahia FC eya Kenya esingire omuzaano gw'omukago bwanyima y’okuteera Kitara FC na gooro 9 ahari 8 omu kusumura obwina.

Museveni agambireho n’abahagizi b’omupiira nikwo kutabaarusya abasingire kandi asiimire na Kitara FC ahabw’okwetaba omu muzaano ogu.

Purezidenti Museveni akoriise omukoro nigwo gumwe kushaba abantu b’omu mahanga g’omu kyanga ekya East Africa okureetaho obutungi kurabira omu bitongore 4 ebirimu okwejumbira omubuhingi n’oburiisa obw’esente, ebya tekinologiya, eby’amakorero n’ebindi.

Purezidenti Museveni arikugambaho n'abantu ba Kenya abahikire ahamukoro gw'okwiguraho ekishaayi ekya Jaramogi Oginga Odinga aharwakana ebiro 02.01.2025.

Purezidenti Museveni arikugambaho n'abantu ba Kenya abahikire ahamukoro gw'okwiguraho ekishaayi ekya Jaramogi Oginga Odinga aharwakana ebiro 02.01.2025.

Ekishaayi ekisya ekyombekirwe kiri ahamutindo ogurikwetengwa ekitongore ekirikukurira omupiira gw’ebigyere omuri Africa ekya FIFA kandi nikiteeberezibwa kwija kutunguura eby’emizaano.

Ekishaayi eki kitebeekanisiibwe kuzaanirwamu emizaano ey’amaani.

Museveni, Ruto na Odinga nabwo bahikire aha mukoro gw’okukingaho omushomo ogw’ebiro 4 ogwa Piny Luo Festival omuri Siaya bahairwe obukuru omu ruganda rwaba Luo oruri omuri Kenya.

Purezidenti Museveni na mutaahi we owa Kenya William Ruto barikureeba omuzaano gw'omupiira ahagati ya Gor Mahia FC eya Kenya na Kitara FC eya Uganda ahakishaayi kya Jamarogi Oginga Odinga aharwakana ebiro 02.01.2025.

Purezidenti Museveni na mutaahi we owa Kenya William Ruto barikureeba omuzaano gw'omupiira ahagati ya Gor Mahia FC eya Kenya na Kitara FC eya Uganda ahakishaayi kya Jamarogi Oginga Odinga aharwakana ebiro 02.01.2025.

#WestUpdates

Omushaki

Omushaki

At Tv West

Read Previous

Museveni ahikire ahakwiguraho ekishaayi kya Jaramogi Oginga Odinga.

Read Next

Museveni ahikire ahakwiguraho ekishaayi kya Jaramogi Oginga Odinga.