Abaana 3 baagwire omu daamu aha faamu

N’ebya Jeff Andrew Lule

Kyankwanzi:

Pooriisi omuri Kyankwanzi eriyo necondooza oku abaana bashatu abarimu ow’emyaka 3 baagwire omu daamu aha famu omukyaro ekya Birobo omu tauni kanso ya Kyankwanzi.

Abafiire bamanywa nka Sylvia Bambozo, 8, Alex Mugwanya, 6, na Olivia Namuli ow’emyaka 3.

Kurugiirira ahakihandiiko kuruga ow’omugambirizi wa pooriisi ow’ekyanga ekya Wamala, Rachael Kawala, abazaire b’abaana aba babaire batari omuka obu eki kibaireho ahabiro 28/8/2024.

Okucondooza okwakozirweho nikworeka ngu ishe abaana aba, Patrick Ssekiziyivu abaire afuriire eka ye kuruga omukyaro ekya Buswabwera omugomborora eya Byerima nikwo kuza Birobo Cell kukora aha faamu ya Petero Tumushabe.

Ahabiro 24/8/2024, nyinabo, Noor Nambozo akaza Byerima ahi babaire nibatuura nikwo kutsigira abaana na ishebo.

Beitu obu abaana bafiire, ishebo Ssekiziyivu akatsigira abaana aba munywani we nikwo kuza kureeba ahari munywani we omumaduuka aga Lubiri.

Ku abaire ariyo, atungire amakuru ngu abaana be boona bagwire omu daamu aha faamu ya Tumushabe.

Pooriisi ehikire ahamwanya ogu nikwo kucungura emibiri y’abaana aba kandi okucondooza nikugumuzamu.

#WestUpdates