Omwiruki Akampa kwejumbira omuz’ensi yoona omuri Germany..(Photo by Abdulkarim Ssengendo)

N’ebya Abdulkarim Ssengendo

Mbarara City

Abakuru ah’eitendekyero rya Bishop Stuart University (BSU) bakwatsize ebendera omwiruki Seith Akampa orikuza kwejumbira omu mpaka z’ensi yoona ez’amatendekyero eza World University Games ezirikuza kuba omu eihanga erya Germany okwezi oku. 

Omwiruki Akampa kwejumbira omuz’ensi yoona omuri Germany..(Photo by Abdulkarim Ssengendo)

Mukuru w’eitendekyero rya BSU, Prof. John Mugisha niwe akuriire omukoro gw’okukwatsa Akampa ebendera y’eitendekyero ogubireho nyomwabazyo kandi guhikirweho abakuru kuruga omu eitendekyero eri. 

Omwiruki Akampa kwejumbira omuz’ensi yoona omuri Germany..(Photo by Abdulkarim Ssengendo)

Akampa n’omwe aha biruki 15 abarajwekyere Uganda omu mpaka ezi ezirikuza kukorerwa omuri Bochum na Berlin omuri Germany. Gordon Ahimbisibwe Kyatuka - omutendeki wa Akampa agizire ngu amuhiire obukugu obukumara omu kutendekwa kw’ebiro 40 okwakoriire Kabale kandi amwinemu amatsiko maingi kureeta omudaari gwa ‘gold’ omu mpaka ezi. 

Omwiruki Akampa kwejumbira omuz’ensi yoona omuri Germany..(Photo by Abdulkarim Ssengendo)

Akampa akakora eiziina bwanyima y’okusiingira Uganda emidaari omu mpaka zitari zimwe omuri eza; World University Cross Country ezabiire Oman hamwe n’eza World University Games ezabiire omu eihanga rya China. 

Arikugambaho n’abanyamakuru, Seith Akampa araganiise ku ayetebekanisegye kugaruka akaretera Uganda omudaari.

#WestSports