Okutunguura eby’amagara; Amarwariro omuri Kikuube gatungire ebikwato...(Photo by Ambrose Niwagaba Katoto)

N'ebya Ambrose Niwagaba Katoto

Kikuube:

Eirwariro rya Kyangwali HCIV hamwe na Buhuka HCIII omugomborora ya Kyangwali omu disiturikiti ya Kikuube gatunga ebikwato 120 by'okwejunisa omukujanjaaba abarweire.

Omubikwato ebyahebwayo ah’eirwariro rya Kyangwali HCIV harimu eby'okwejunisa omw’ishemerezo (Theater), eby'okubikamu ebintu ebirikuhika 68.

Kandi omubikwato ebyahebwayo ah’eirwariro rya Buhuka HCIII harimu ebitanda by'abarweire hamwe n'ebindi ebirikuhika 52.

Okutunguura eby’amagara; Amarwariro omuri Kikuube gatungire ebikwato...(Photo by Ambrose Niwagaba Katoto)

Ebi byoona byahebwayo kampuni ya China National Oil Offshore Company (CNOOC Uganda Ltd) eriyo nekora emirimo y'okutimba amajuta omubidiba bya Kingfisher Oil Development Field.

Okutunguura eby’amagara; Amarwariro omuri Kikuube gatungire ebikwato...(Photo by Ambrose Niwagaba Katoto)

Dr. Tibeita Semu orikukurira eirwariro rya Kyangwali Health Center IV yagamba ngu nka eirwariro nirihereza abantu abarikurenga 40,000 Kandi batwire beine ekizibu ky'ebitanda by'omwishemerezo ebifiire.

Okutunguura eby’amagara; Amarwariro omuri Kikuube gatungire ebikwato...(Photo by Ambrose Niwagaba Katoto)

Liu Xiangdong ori Purezidenti wa CNOOC Uganda Ltd yagamba ngu bakakora okucondooza bashanga ngu disiturikiti ya Kikuube eine oburemezi bw'eby'amagara hamwe n'eby'obwegyese ekibagyemeseriize okubakwatiraho.

Okutunguura eby’amagara; Amarwariro omuri Kikuube gatungire ebikwato...(Photo by Ambrose Niwagaba Katoto)

Kampuni niyo emwe yahereza ebikwato omumashomero 11 agarimu Kabaale Public School, Kigaaga Primary School, Kaseeta Primary School, St. Andrews Nyairongo Primary School, Kibaale Modern Primary School, Kyarushesha Nursery & Primary School, St. Mary’s Wairagaza Primary School, St. Augustine Primary School, Nsozi Primary School, Tontema Primary School, Butoole Primary school, St. Karoli Lwanga/Rwemisanga Primary School hamwe na Buhuuka Primary School.

Buri eishomero ryatungaho desk 40 n’ebitabo 80.

#WestUpdates