Abaine 'sim cards' ezitahandikiise baine ebiro 90 byonka kusharwaho.

N’ebya Omushaki weitu

Abarikukoresa kaadi z’esimu ‘sim cards’ abatakazihandikiise bahairwe ebiro 90 byonka kuba zahandikirwe kitari ekyo nibeija kusharwaho.

Rebecca Mukite, Omugambirizi w’ekitongore ky’eby’empurizana ekya Uganda Communications Commission (UCC) naagira ngu za kaadi ezitaine bakama baazo nizeija kuheebwa abandi bantu.

Aha nshonga y’obuheereza bwa Mobile Money, Mukite nayongyeraho ngu Banka enkuru eya Uganda eineho omuringo ogw’okureeba ngu abantu abarabe bafeereirwe za kaadi zaabo z’esimu baatunga esente zaabo eziraabe ziri aha kaadi egyo.

Ekitongore ekya UCC kikatandika kusharaho za kaadi z’esimu ezitahandikirwe ahabiro 12/11/2023.

Ekitongore ky’empurizana nikyenda mukama wa kaadi w’enyini kwegyera omu kampuni z’eby’empurizana n’endanga muntu y’eihanga kubaasa kumushwijuma n’okuhamya ngu kaadi n’ezaabo.

Okurugiirira aha kitongore ekya UCC, Uganda eine za kaadi z’esimu zirikurenga miriyooni 30 beitu obucweka 2 ahari 100 ahari ezi tizirikumanywa bakama baazo.

#WestUpdates