Abakozi b'eirwariro rya Bwizibwera bakwateirwe okwiba emibazi ya gavumenti- Mbarara.

N’ebya Omushaki weitu

MBARARA

Pooriisi omu disiturikiti eya Mbarara ekwatsire abakozi babiri ba disiturikiti ab’eirwariro erya Bwizibwera Health Centre IV ahabw’okwiba emibazi ya gavumenti n’okuhangaho amarwariro abiri g’ekishobobo omu disiturikiti.

RDC wa Mbarara, Emmy Kateera Turyabagyenyi nagamba abakwatsirwe nka; Florence Tumwijukye, orikukurira sitoowa y’emibazi n’ebindi bikwato by’eirwariro erya Bwizibwera hamwe na Edward Kiyingi- nawe orikukora n’eirwariro niryo rimwe.

Kateera nashoborora ngu okucondooza okuriyo nikugyenda omu maisho nikwijaho bwanyima ya minisiture y’eby’amagara kutunga akakumu disiturikiti ya Mbarara ngu kuruga omu mwaka gw’eby’esente ogwa 2021/2022, disiturikiti enkoreka enkoresa y’emibazi ebicweka 50 ahari 100 y’emibazi yoona ei disiturikiti yaatungire.

Omu bigambo bye, Ceeyamaani wa disiturikiti eya Mbarara, Didas Tabaro naagira ngu ababiri aba nibeija kutwarwa omu kooti bajunaanwe obwo okucondooza kumanya yaaba hariyo abandi bantu abaine akakwate n’omushango ogu.

#WestUpdates
#RadioWestAt25