Abakumi 2 babuzire bwanyima y’okwiba Sh1.6b ahamotoka erikutambuza esente.

N’ebya Omushaki weitu

KAMPALA

Abakumi 2 baburize amaisho bwanyima y’okwiba sente zirikuhika Shiringi 1,600,000,000 (Sh1.6b) kuruga aha motoka erikutambuza esent ei babaire bakumire.

Pooriisi negira ngu bariyo nibacondooza nk’oku abakumi aba 2 aba kampuni y’eby’okwerinda eya G4S Security Services Uganda Limited ababaire bateirweho kukuma emotoka egi ebaire netwara esente bakahendera bibire esente bakabuza amaisho.

Omuhwezi w’omugambirizi wa Pooriisi ya Kampala n’emyanya egiheeriire, Luke Owoyesigyire naagira ngu abakumi aba babaire bakumire emotoka ehandikirwe omunamba ya UAJ 199T ebaire netwara esente kuruga Lubowa erikuzitwara Nakasero kandi ku ehikire omu muhanda, abakumi bagibireho esente basigaho emotoka egyo n’embundu zaabo 2 aharuguuto orwa Nabunya omu Divijoni ya Rubaga. 

Owoyesigyire nakyoreka ngu omwe aha bakumi Richard Otim aizire yakwatwa bwanyima kandi ashangirwe na Shiringi 117,000,000 eziteekateekirwe kuba ziri zimwe aha sente ezibiirwe.

Owoyesigyire naagira ngu okucondooza omu nshonga egi kuriyo nikugyenda omu maisho obwo barikuhiga n’abakumi aba.

#WestUpdates