Uganda kutandika kukoresa ekikatu ky’okutangira akakooko ka siriimu omu gwa 2026.

N’ebya Omushaki weitu

KAMPALA

Gavumenti neija kutandika kukoresa omubazi gw’ekikatu kya Lenacapavir ogw’okutangira endwara y’akakooko ka siriimu okwezi kw’okubanza, 2026.

Dr. Peter Mudiope, Orikukurira okurwanisa endwara y’akakooko ka sirimu omu minisiture y’eby’amagara naagira ngu za dozi z’omubazi ogu baheerize kuzitunga kuheebwa abantu 17,000 kandi nizeija kumara omwaka gumwe.

Nakyoreka ngu omubazi ogu nigwija kubanza kuheebwa abantu abari omu kabi k’okukwatwa endwara y’akakooko ka siriimu nk’abaishiki abari omumushogoyo n’abakazi bato abarikukira kwejumbira omuby’omubonano n’abashaija barengire ahari omwe.

Abandi abarikuza kuheebwa omubazi ogu barium; abantu abarikweguza (ba maraaya), abantu abari omu bushwere ahi orikushanga omuntu omwe arwaire ondaijo atarwire, abakazi b’enda abarikukira kukunda kuza omu by’omubonano bahika aharurengo rw’okwenda kuzaara nari baaba nibonsya n’abandi.

Ekikatu eki ekya Lenacapavir nikiteerwa omurundi gumwe buri bwanyima y’ameezi 6.

Dr. Mudiope naagira ngu entebeekanisa egi ensya ey’okuteera abantu ekikatu ky’okubatangira akakooko ka siriimu egyendereire kumaraho ekizibu ky’abantu abatwire batarikumira gye emibazi yaabo.

#WestUpdates