Abakumi 5 bakwatwa ahabw'okuteeraho kwenda kuteera amasasi Minisita Nyamutooro

N'ebya Angella Naturinda

Kisoro:

Pooriisi omuri Kisoro eriizooba yaakwata abakumi 5 ba kampuni eya Wolves security company abaaba bakumire kampuni eya National Cement Company eri ahansi ya Devki Group ahabw’okutimba eby’obugaiga omuri Butare bwanyima y’okuteeraho kwenda kuteera amasasi Phiona Nyamutooro, Minisita w’eihanga ow’eby’amashanyarazi n’obugaiga bw’omwitaka.

Minisita Nyamutooro bwanyima y’ekikorwa eki yaaragiira okukwatwa kwaba dayirekita ba kampuni y’eby’okwerinda bwanyima y’abakumi kugira ngu bakama baabo nibo babaragiira kukora eki.

Nyamutooro owaaba aine tiimu eye ey’eby’okwerinda yaagira ngu yaaba ariyo nakora emirimo ye obu abakumi aba bateeraho kumuteera amasasi bwanyima y’okurambura ahi baaba nibatimbira.

Ogu yaabaha wiiki ibiri kuba barugire omumwanya ogu kandi yahakinga aho-naho.

Yagaruka yarabura kampuni ezirikutimba omubushoboobo batakabakwatsire.

#WestUpdates