Edson Nuwamanya, Chief Warden, Lake Mburo National Park. PHOTO: Aidan Bataringaya

N'ebya Aidan Bataringaya

Abanya Uganda nibashabwa okuguma nibarambura ebintu ebiri omu ihanga ryabo na munonga enyamaishwa, kutari kubirekyera abajungu.

Okushaba oku kwahebwayo Edson Nuwamanya orikukurira irindiro ry'enyamaishwa erya Lake Mburo National Park.

"Eirindiro ry'enyamaishwa erya Lake Mburo ni rimwe ahamarindiro g’enyamaishwa againe ebintu Birungi ebirikushemeza nk'ebinyonyi, goonya, ebishwaga, enturegye, entwiga, embogo, empara n'ebindi," Edson nikwo yaagira.

Okurugirira ahari Edson, Lake Mburo eine ebirikushemeza nyamwingi, ebi abanya Uganda baingi batarikumanya.

Ogu kandi hoona yayongyera yaayoreka okukwatwaho ahabw'omugyera gwa Rwizi oguriyo nigutaahirirwa kandi obwo guri ogw'omugasho gw'amaani ahanyamaishwa nk'ebyenyanja omu irindiro rya Lake Mburo.

Edson yasiima aba TV West ahabw'okushomesa ahabya Uganda ahaby'obuhangwa n’oburambuzi.

Yayongyera yashaba disiturikiti ezihereire Mburo okujanjaaza engiri y’eby'oburambuzi agumize ngu nibo barikuganyirwamu.

Irindiro rya Lake Mburo ni rimwe ahamarindiro agarikukizayo kutaahiza eihanga omuby'oburambuzi, riri ahabuhango bwa 'Square Kilomiter' 260 kandi rikahinguzibwa nk'omwanya ogutashemereire kuhiigwamu omwaka gwa 1933.

#WestUpdates