Obasanjo, ashemereirwe bwanyima y’okuhurira ngu Uganda neshohoza amate garikwinga lita 5,700,000,000 buri mwaka. PPU Photos.

N’ebya Beth Akatukunda

MBARARA

Nigeria eine enteekateeka z’okutandika kwiha amate n’omwani omu Uganda.

Ebi bigambirwe owabaireho Purezidenti wa Nigeria, Olusegun Obasanjo obu abaire ataayaayire Purezidenti Yoweri Museveni Orwakashatu ebiro 18.09.2024.

Purezidenti Museveni nabwo atwire Obasanjo yamurambura Pearl Dairy Farms Limited erikushangwa omuri Koranorya omu rurembo orwa Mbarara na bwanyima nikwo kwegaita aha bariisa kuruga Kiruhura na Kazo ahari Kaaro omu disiturikiti eya Kiruhura.

Purezidenti Museveni n'owabaireho Purezidenti wa Nigeria, Obasanjo barikurambura Pearl Dairy Farms Limited erikushangwa omuri Koranorya omu rurembo orwa Mbarara .

Obasanjo, ashemereirwe bwanyima y’okuhurira ngu Uganda neshohoza amate garikwinga lita 5,700,000,000 buri mwaka.

Ahamiize Purezidenti Museveni hamwe n’abariisa kuruga omuri Kiruhura na Kazo ngu Nigeria ayehiireyo kugura amate ga Uganda n’omwani ebyongiirwemu omutindo.

Owabaireho Purezidenti wa Nigeria, Obasanjo agizire ngu Nigeria eine enteekateeka z’okutandika kugura amate n’omwani omu Uganda.

“Ndi aha kureeba oku Nigeria yakubaasa kugura amate ga Uganda hamwe n’omwani,: Obasanjo arikushoborora, okurugiirira aha kihandiiko ky’amakuru kuruga omu ofiisi ya Purezidenti ekishohoziibwe Orwakashatu ebiro 18.09.2024.

Obasanjo akyorekire ngu ekizibu kya Africa n’okugira ngu abairaguju abaingi tibarikumanya bizibu byabo arikuha eky’okureeberaho kya Nigeria, eihanga eritwire nirigura amate kuruga omu mahanga ga Europe kandi obwo Uganda eine amate garikumara.

Obasanjo, ashemereirwe bwanyima y’okuhurira ngu Uganda neshohoza amate garikwinga lita 5,700,000,000 buri mwaka.

Aharubaju rwe, Purezidenti Museveni asiimire Obasanjo ahabw’okwikiriza kurambura omu Uganda hamwe n’okwikiriza kukwatanisa na Uganda kugura amate ga Uganda n’omwani gwayo.

Araganiise Obasanjo ngu Uganda eine amate garikumara kuguzibwa omu katare k’omu eihanga n’aharurengo rw’ensi yoona.

Purezidenti Museveni obaire ashendekyereziibwe omukazi we, Janet Kataha Museveni
nabwo arabwire abariisa aha ky’okuseetura amatungo gaabo. 

Bamwe aha bariisa b'ente z'amate barikurenga 200Some Of The Over 2000 DiaryAbariisa b'ente z'amate barikuhurikiriza obutumwa bw'owabaireho Purezidenti wa Nigeria owabaireho Purezidenti wa Nigeria, Olesegun Obasanjo na Purezidenti Museveni aha kishaayi ky'eishomero erya Nshwere Primary School omuri Kiruhura Orwakashatu ebiro 19.09.2024.

Nahabura abariisa okwejumbira omunkora ey’okuriisiza omu mwanya gumwe n’okuhinga ebinyatsi by’amatungo ahabw’okwenda kukanyisa aha bwingi bw’amate gaabo.

#WestUpdates