Abatuura nibajunaana kanso ahabw’okukoragana n’abasisiire Omugyera gwa Rwizi...(Photo by Aidan Bataringaya)

N’ebya Aidan Bataringaya

Mbarara:

Abatuura omururembo rwa Mbarara nibajunaana abeebembezi n’abakozi ba Kanso y’orurembo abarikukoragana n’abantu abataahiriire Omugyera gwa Rwizi oguhikire ahakwoma.

Abatuura aba n’abu pipes z’amaizi agarikuruga Kagera zirikuza kuraaba omumataka gaabo bwanyima yag’Orwizi kuba makye.

Bwanyima y’abatuura omuri Mbarara kutandika kubura amaizi ahabw’ag’Orwizi kukyendeera munonga, Gavumenti ya Uganda ekatandika purogyekiti y’okunyurira amaizi okuruga omumugyera gwa Kagera, eki abatuura barikujunaana abeebembezi n’abakozi b’orurembo rwa Mbarara agu Orwizi rwomire barikurureeba.  

Ebi babigambire omurukiiko oru aba National Water, City Council hamwe n’aba Sogea Satom abarikukora purogyekiti y’okwiha amaizi Kagera kugareta Mbarara babaire nibabuganaho abatuura abari aharubaju rw’enguuto ahu pipes zirikuza kuraaba.

Aba city council ababaire bebembeirwe Carol Warugaba ori Senior Physical Planner ahabwa Mbarara City naagira ngu abamwe ebintu byaabo nibyija kushenywa ahakuba tibarombekiire aha plan, ahu baingi omuri Katete bombikire omu road reserve.

Jomo Mugabi, Mayor wa Mbarara City South division ashabire abatuura okwikiriza purogyekiti egi ekaraba omumataka gaabo ahakuba nibo bayombekire kubi.

Julius Kimaka owa Sogea Satom, kampuni erikukora amaizi aga, naagira ngu abatuura baine kubikiriza bakakora n’obu baraabe bateganisibwemu okumara ameezi abiri bataine ah’okuraabya za pipe.

Purogyekiti egi ekatandika 1/11/2022 nekumaraho biriyooni 360 okuhisya abatuura amaizi omuri Isingiro, Rwampara, Mbarara city, Mbarara district na Kiruhura.

#WestUpdates