Abaserukare abahumwire bahabwirwe kuba eky’okureeberaho kirungi omuri Masindi. PHOTOS by Yosam Gucwaki.

N’ebya Omushaki weitu

MASINDI

Abaserukare 12 ba UPDF b’enkambi eya Masindi Field Artillery Division bahumwire kuruga omu mahe.

Obaire akuriire omukoro ogu aharwakabiri ebiro 29.10.2024, Brig. Gen. Dan Kakono, omuduumizi w’enkambi egi arabwire abaserukare abahumwire obutekwata eijaga.

Abaserukare abahumwire barikuteeza ekishushani na Brig. Dan Kakon, omuduumizi wa Masindi Artillery Division.

Nabwo abahabwire obutashohoreza eryo beitu bateekateekyere gye akasiimo kaabo n’okukakoresa gye.

Kakono ayongiire yasiima Purezidenti Yoweri Museveni ahabw’okutaho entuura nungi arikugira ngu okuhuumuza abaserukare kikaba kitariho omu gavumenti ez’enyima.

Abaserukare abahumuziibwe n’abari ah’eidaara erya Warrant officer kuza ahari Surgent.

Lt. Col. Stephen Namoru, omukuru kuruga ahankambi eya Masindi field artillery division, ashabire abahumwire okuguma n’emicwe mirungi nk’eyi babaire baine obu babaire bakirikukora omu kitongore ky’amahe g’eihanga baaba nibenda kuturagye omu byanga byabo.

Lt. Col. Namoru abasiimire ahabw’okuheereza gavumenti ya Uganda n’omutima gumwe n’obu babaire baine ebizibu ebirikubateganisa.

#WestUpdates