Abaishiki ba St. Mary's PRT Kinyarugonjo bari ahakujaguza emyaka 33 omukushomesa. PHOTO: Thomas Tumwebaze

N’ebya Thomas Tumwebaze

Abazaire omu disiturikiti ya Kagadi baashabwa okushomesa abaana b’abaishiki nikwo babaase kutaho eitafaari ahantunguuka y’eihanga hamwe n’amaka gaabo.

Ebi bigambirwe na Ritah Kabugho ori ‘Assistant Commissioner Human Resource Management’ omu ky’eby’oburambuzi omu ihanga obu abaire ari aha mukoro gw’okujaguza ekiro ky’abeegi abaashomeire ah’ishomero rya St. Mary’s PRT Kinyarugonjo omu disiturikiti ya Kagadi.

Ritah Kabugho ori Assistant Commissioner Human Resource Management omu kitongore ky’ebyoburambuzi omu ihanga naagira ngu abaana b’abaishiki baaguma omu ishomero nikiija kubahwera okwetantara okutunga enda bakiri bato oteireho n’okushwerwa batakahikize emyaka 18 kandi ngu eki nikiija kuhwera eihanga kutunguuka.

Kabugho nayongyera agira ngu abaana b’abaishiki baingi bakatunga enda bakiri bato omukaire ka COVID-19 kandi eki kikyendeeza omubaro gw’abaishiki ababeire bari omu ishomero.

Kabugho nayenda habeho okushomesa abazaire hamwe n’abarikukwatwaho aha burungi bw’okushomesa abaana b’abaishiki kandi n’okubooreka ngu abaana boona nibashushana omukureetaho entunguuka omumaka hamwe n’eihanga.

We Rev. Fr. Eugine Musisi, owa Pariishi ya Kyarugonjo, ahakushabisa oku ashabire abeegi hamwe n’abazaire nabo abashomeire ah’ishomero eri okushaba obwe barikukora nikwe babaase okubaisaho amaka gaabo hamwe n’okwehisyaho ebyetengo by’ensi egi.

Oliver Arishaba hamwe na Lucy Kansiime abamwe h’abeegi abashomire ah’ishomero eri nibenda Gavumenti okurabira omu kitongore ky’eby’obwegyese okutaho emiringo erikubaasisa abeegi okushoma batatungire okuteganisibwa.

Aba nibagira ngu abaishiki nibatunga oburemeezi baba bari omumicwe kandi abandi bahendera baremirwe okushoma.

Eishomero rya St. Mary’s PRT Kinyarugonjo rikatandika omumwaka 1991 kandi babeire nibajaguza emyaka 33 ei bamazire barikuheereza abantu ba disiturikiti ya Kagadi hamwe n’eihanga.

#WestUpdates 
#RadioWestAt25